Harpan & Þórinn i Tilst

10.10.2008 | 21:30

Fjölskyldan í Tilst hefur það fínt þrátt fyrir erfiðar aðstæður á Íslandi.

Okkur langaði bara til þess að láta vini og ættingja vita að við höfum það gott og þraukum þrátt fyrir að sjóðirnir okkar hafa verið frystir af ríkinu og því allt okkar lausafé fast á Íslandi. Við eigum hins vegar svo yndislega foreldra sem hafa aðstoðað okkur og standa við bakið á okkur ef allt fer í þrot. Einu áhyggjurnar okkar eru hvenær og hvort við náum ekki að innleysa allan sjóðinn okkar áður en danski peningurinn okkar klárast. En við höfum bara fækkað óþarfa innkaupum og viti menn, ein og ein dönsk króna sparast og úr verður góð upphæð. Svo er Þór reyndar óvenju rólegur yfir prófunum sem verða eftir 12 daga, kannski af því að hann er nú þegar búinn að lesa yfir önnina og er því ekki að frumlesa þúsund blaðsíðna bók á 2 vikum.

Þór er búinn að fara sl. daga upp í skóla kl.8 á morgnana og lærir þar með félaga sínum Adda til ca. 15-17 á daginn. Þá er akkurat kominn tími til að halda heim á leið og elda og knúsa drottningarnar og ef úthaldið leyfir er haldið áfram að læra. Hefur reyndar ekki gengið eins vel fyrir Þór að læra á kvöldin eins og á morgnana. En eins og með marga aðra námsmenn tekur á að lesa allar fréttirnar að heiman en það er lítið hægt að gera í því, við erum komin til DK og við munum klára það. Enda aðstæður ekki eins og áður en við fluttum út. Gamli vinnustaðurinn hans Þórs er ekki „beint“ til lengur og út í hött að kaupa sér íbúð.

Það er því alveg ljóst að hér í Tilst getur maður lokað sig alveg frá öllu stressi og standa því dyrnar okkar opnar fyrir þá sem vilja losna úr stressinu og eiga góðar stundir.

Foreldrar Þórs eru í heimsókn núna og við sáum ekki alveg hvor var meira spenntari , Amma Halla eða Kolbrún Soffía. Kolbrún Soffía var svo spennt þegar hún sá þau að hún vissi ekki alveg hvernig hún átti að vera. Átti hún að hoppa eða hlæja, sýna dótið sitt eða bara skríða um gólfið og hlæja um leið. Það voru allavegana fagnaðarfundir. Síðan sást hvernig stressið yfir ástandinu heima lak af foreldrum Þórs þegar við settumst inn í stofu með rauðvín (harpa fékk mjólk og köku) og kertaljós.

Sæþór var ekki lengi að skoða tenglana fyrir loftljósin og var strax daginn eftir búinn að tengja tvær rússaperur og svo var farið í Bilka og keypt loftljós inn í svefnherbergin og fyrir ofan eldhúsborðið. Gardínustöngin er einnig komin á sinn stað, enda reyndist það þrautinni þyngri að bora í gegnum steinveggin og síðan verður farið í að kaupa gardínur um helgina vonandi. Stelpan er með smá kvef og hósta en við ætlum samt að skjótast í smá ferð til frænda Þórs og fjölskyldu hans sem hann hefur ekki séð í nokkur ár.

Síðan var ég að fá póst frá fulltrúum SINE (samband íslenskra námsmanna erlendis) með eftirfarandi tilkynningu:

Fulltrúar Sambands íslenskra námsmanna erlendis óskuðu i dag eftir fundi með stjórnvöldum vegna gjaldeyrisyfirfærslna á reikninga námsmanna erlendis, en undanfarna daga hafa námsmenn og aðrir átt í erfiðleikum við að millifæra fé af bankareikningum hérlendis til viðsiptabanka sinna erlendis. Á fundi sem sátu fulltrúar Lánasjóðasjóðs íslenskra námsmanna, menntamálaráðuneytis, utanríkisráðuneytis og félagsmálaráðuneytis var upplýst að þegar hefur verið komið á til bráðabrigða greiðslumiðlun fyrir milligöngu Seðlabanka Íslands til Nýja Landsbanka Íslands. Nú þegar er greiðslumiðlun virk fyrir viðskiptamenn þess banka. Stefnt er að því að greiðslumiðlun fyrir viðskiptamenn Glitnis og Kaupþings verði virk um leið og nýjar stofnanir hafa formlega tekið við starfsemi þeirra banka, og um svipað leyti fyrir aðrar fjármálastofnanir. Er þess vænst að það geti orðið í fyrri hluta næstu viku.

Yfirfærslur verða háðar fjárhæðartakmörkunum samkvæmt tilmælum um tímabundna temprun á útflæði gjaldeyris (http://www.sedlabanki.is/lisalib/getfile.aspx?itemid=6491) sem Seðlabanki Íslands hefur beint til innlánsstofnana og birt eru á heimasíðu bankans.

Námsmenn ættu því að vera í minni vandræðum með að millifæra frá Íslandi. Við munum allavegana færa okkar yfir til að vera óháð frekari gengisbreytingum og hömlum. Svo getur maður gleymt því að nota VISA kortið sitt því danska gengið á því er 30 kall.

Munið svo að vera jákvæð- þetta reddast á endanum ;)

Ritari : Þór Sæþórsson nema „munið svo að vera jákvæð – þetta reddast á endanum“, Harpa skrifaði það J

Drottningarnar biðja að heilsa ;)

Flokkur: Ferðalög | Breytt s.d. kl. 21:33 | Facebook

Athugasemdir

Það er gott að vita að þið hafið það gott þarna úti :) maður var farinn að hafa pínu áhyggjur. Takk fyrir að láta okkur vita :D Vonandi fer þetta að lagast fljótlega hérna heima svo námsmenn fari nú ekki að svelta þarna úti :)

Kossar og knús

Ásdís Dagmar (IP-tala skráð) 11.10.2008 kl. 01:45

gott að sjá að þið hafið það gott í góðum hópi fólks í danaveldi :)

Smá ljós punktur í þessu - MJÖG ódýrt fyrir ykkur að koma heim í heimsókn á meðan ástandið er eins & það er núna ;)

Fjóla Rós (IP-tala skráð) 11.10.2008 kl. 21:01

Gott að heyra að þið hafið það fínt ...erum búin að hugsa til ykkar.

Við Tómas eigum eftir að sakna ykkar næstu helgi en við erum að fara í afmælið til Helgu Berglindar ..

Hafið það gott .. knús Sara og Tómas

Sara Björk og Tómas Emil (IP-tala skráð) 12.10.2008 kl. 12:27

Alltaf gaman að lesa fréttir, maður á bara að sleppa því að leda fréttirnar hjá fjölmiðlum bara niðurdrepandi.

Kv.Karitas

Karitas (IP-tala skráð) 12.10.2008 kl. 21:35

Gott að heyra að þið hafið það ágætt og hugsið jákvætt !

Bestu kveðjur frá öllu ruglinu heima

Sigga Stína

Sigga Stína (IP-tala skráð) 13.10.2008 kl. 12:44

Hæhæ...maður er víst skyldugur til að kvitta ef maður les er þakki? heh....en gott að heyra að þið hafið þða gott þrátt fyrir leiðindin á klakanun. Vonum að þið haldið áfram að hafa það gott....

hilsen Linda og Kolbrún Harpa

Linda (IP-tala skráð) 13.10.2008 kl. 15:46

gott að heyra að þið séuð ekki að svelta í DK. Ótrúlegt sem margir námsmenn erlendis þurfa að þola. Maður hefði aldrei trúað að þetta myndi gerast á 20. öldinni. Það er satt að það er ekki margt sem togar mann til að flytja til Íslands. Best að njóta lífsins og með familíunni sinni í útlöndum á meðan. Puss och kram från Lund.

Silja (IP-tala skráð) 14.10.2008 kl. 22:19